Мерапрыемства

Урачыстае ўручэнне дыпломаў і адкрыццё выставы лепшых дыпломных работ выпускнікоў Мінскага дзяржаўнага мастацкага каледжа імя А. К. Глебава

Урачыстае ўручэнне дыпломаў і адкрыццё выставы лепшых дыпломных работ выпускнікоў Мінскага дзяржаўнага мастацкага каледжа імя А. К. Глебава

Нацыянальны мастацкі музей Рэспублікі Беларусь Галоўны корпус

20 чэрвеня а 15-й гадзіне ў Нацыянальным мастацкім музеі Рэспублікі Беларусь (вул. Леніна, 20) адбудзецца ўрачыстае ўручэнне дыпломаў і адкрыццё выставы лепшых дыпломных работ выпускнікоў Мінскага дзяржаўнага мастацкага каледжа імя А. К. Глебава.

У гэтым годзе ўручэнне дыпломаў супала з вельмі значнай датай для Мінскага дзяржаўнага мастацкага каледжа імя А. К. Глебава – 75-годдзем каледжа. За гады існавання ўстанова адукацыі набыла сапраўды сусветную вядомасць, выпускнікамі якой былі народныя мастакі Беларусі – Міхаіл Савіцкі, Леанід Шчамялёў, Віталь Цвірка, Васіль Шаранговіч, Май Данцыг, Віктар Грамыка і іншыя. Дыплом выпускніка Мінскага мастацкага каледжа імя А. К. Глебава – гэта сведчанне сур’ёзнай прафесійнай падрыхтоўкі, фундаментальных рознабаковых ведаў, выдатных практычных уменняў і навыкаў работы, шырокага кругагляду.

На выставе будуць прадстаўлены каля 15 лепшых творчых работ выпускнікоў Мінскага дзяржаўнага мастацкага каледжа імя А. К. Глебава ў розных відах выяўленчага мастацтва (жывапіс, графіка, скульптура, дэкаратыўна-прыкладное мастацтва) і дызайну. Мастацкія творы выпускнікоў каледжа адлюстроўваюць своеасаблівую рэальнасць пры дапамазе візуальных вобразаў праз шырокі дыяпазон кампазіцыйных схем, колеравай гамы, прасторавай глыбіні, пластыкі. Атаясамляючы сабой разнастайнасць і мноства бакоў навакольнага свету, мастацкія работы выпускнікоў паказваюць шырыню іх ідэй і пачуццяў.

Сімвалічна, што побач з дыпломнымі работамі 2022 года прадстаўлена рэтраспектыўная выстава «Ступені майстэрства», выпускнікоў каледжа мінулых гадоў. 

Традыцыйна маладыя мастакі атрымаюць дыпломы з рук кіраўніцтва Міністэрства культуры Рэспублікі Беларусь, знакамітых мастакоў, спецыялістаў вядучых музеяў і мастацкіх галерэй нашай краіны.

  • Мінск
    вул. Леніна, 20

  • панядзелак, серада, пятніца - нядзеля

    з 11:00 да 19:00

  • чацвер

    з 13:00 да 21:00

  • аўторак

    выходны дзень

  • Каса і Музейная крама

  • панядзелак, серада, пятніца - нядзеля

    з 11:00 да 18:30

  • чацвер

    з 13:00 да 20:30

  • аўторак

    выходны дзень

  • Мінская вобласць, Мінскі раён, Астрашыцка-Гарадоцкі в/с, в. Аколіца
    вул. Іванаўская, 17Б

  • серада - нядзеля

    з 10:00 да 17:00

  • Каса

    з 10:00 да 16:30

  • панядзелак - аўторак

    выходныя дні