Мінскі дзяржаўны мастацкі каледж імя А.К.Глебава традыцыйна завяршае навучальны год урачыстай цырымоніяй уручэння дыпломаў. У 2025 годзе мерапрыемства адбудзецца ў Нацыянальным мастацкім музеі Рэспублікі Беларусь – месцы сімвалічным і знакавым для беларускай культуры.
Выпускнікі – жывапісцы, скульптары, дызайнеры, маладыя мастакі дэкаратыўна-прыкладнога мастацтва – прадставяць дыпломныя работы, якія адлюстроўваюць не толькі высокі ўзровень прафесійнай падрыхтоўкі, але і багацце індывідуальнага мастацкага стылю, новыя, яркія і вобразныя кампазіцыйныя рашэнні.
У цырымоніі прымуць удзел вядучыя дзеячы мастацтва краіны: артысты Беларускай дзяржаўнай філармоніі, Вялікага тэатра Беларусі, куратары музеяў і галерэй.
Экспазіцыя дыпломных праектаў – гэта сустрэча з новым патэнцыялам маладых беларускіх аўтараў, якія не толькі клапатліва падтрымліваюць сувязь часоў і пераемнасць традыцый нацыянальнай школы, але і смела адкрываюць уласны шлях у мастацтве.
Экспанаванне выставы працягнецца да 13 ліпеня 2025 года.
Куратар выставы – Зуева Дарына Халедаўна, малодшы навуковы супрацоўнік выставачнага аддзела Нацыянальнага мастацкага музея Рэспублікі Беларусь.
