Аддзел аўтаматызаваных сістэм кіравання і тэхнічных працэсаў

вул. Леніна, 20 (прыбудова), каб. 101, тэл. +375 17 372-79-93

Вядучы інжынер-электронік – Палаўнёў Павел Анатольевіч (327-83-18)

Інжынер-праграміст – Доўнар Ілья Мікалаевіч (372-79-93)

e-mail: asu@artmuseum.by

Аддзел АСКТП стаў самастойным структурным падраздзяленнем з 2006 года. Асноўнымі задачамі аддзела з’яўляюцца:

– забеспячэнне бесперабойнага і надзейнага функцыянавання сістэмы АСКІТС, а таксама кіраванага ёй інжынернага абсталявання;

– забеспячэнне працоўнага стану комплексу тэхнічных сродкаў АСКІТС, сродкаў ІВС, праграмнага забеспячэння верхняга ўзроўню, сервераў і працоўных станцый;

– забеспячэнне бесперабойнай работы інфармацыйна-тэхнічнай базы музея і філіялаў, а таксама сервераў і перыферыйных прылад.

Вясной 2017 года Нацыянальны мастацкі музей Рэспублікі Беларусь падаў заяўку на ўдзел у праграме Урада Японіі “Карані травы”, і ўжо ў 2018 годзе быў адобраны “Праект па ўдасканаленні музейнага асяроддзя і экспазіцыйнага абсталявання для людзей з абмежаванымі магчымасцямі ў Нацыянальным мастацкім музеі Рэспублікі Беларусь”.

Падчас працы аддзела

У задачы праекта ўваходзіла:

– абсталяванне Нацыянальнага мастацкага музея Рэспублікі Беларусь высокатэхналагічным абсталяваннем 3D-мадэлявання і 3D-сканіравання для стварэння паменшаных аб’ёмных копій з пластыка скульптур і рэльефнага малюнка карцін для працы са слабым зрокам;

– выкарыстанне лесвічнага пад’ёмніка на гусенічным хаду для аказання дапамогі людзям з абмежаванымі рухальнымі здольнасцямі ў прысутнасці суправаджальніка асобы для ўздыму і спуску на лесвічных маршах у будынку музея, не абсталяванага прыстасаваннямі для пераадолення перашкод;

– адаптацыя праграм для наведвальнікаў з абмежаванымі магчымасцямі слыху з дапамогай мультымедыйнага аўдыягіда з экранам.

Падчас працы аддзела

21 верасня 2018 года адбылася цырымонія перадачы музею спецыялізаванага абсталявання па праграме Урада Японіі “Карані травы” – маламаштабнай грантавай дапамогі праектам у сферы культуры і спорту. Таксама ў рамках рэалізацыі праекта музею былі перададзены лесвічны пад’ёмнік гусенічнага тыпу, камплект з 20 аўдыягідамі з экранамі адлюстравання тэксту, субтытры або відэа на мове жэстаў, а таксама 3D-прынтар і 3D-сканер для стварэння копій экспанатаў.

Нацыянальны мастацкі музей Рэспублікі Беларусь з’яўляецца заказчыкам будаўнічых работ аб’екта “Рэстаўрацыя і прыстасаванне адзінага комплексу будынкаў Нацыянальнага мастацкага музея Рэспублікі Беларусь”, і супрацоўнікі аддзела прымаюць актыўны ўдзел у працэсе праектавання і будаўніцтва гэтага аб’екта.

Падчас працы аддзела

Адной з тэхнічных мэт адзінага музейнага комплексу з’яўляецца распрацоўка комплекснага апаратна-праграмнага рашэння, які дазваляе аўтаматызаваць розныя бізнес-працэсы: кіраванне кліматам, сістэмы бяспекі, сістэмы сувязі, мультымедыйныя сістэмы, узаемасувязь службаў і падраздзяленняў музея, інтэрактыўнае ўзаемадзеянне з наведвальнікамі музея.

У задачы адзінага музейнага комплексу ўваходзяць:

– інтэграцыя розных апаратных і праграмных падсістэм і модуляў музея;

– стварэнне інжынернай інфраструктуры для платформы віртуалізацыі, захоўвання, рэзервовага капіравання і аднаўлення даных, навігацыі, маніторынгу і кіравання інжынернымі сістэмамі;

– укараненне спецыялізаванага праграмнага забеспячэння для апрацоўкі і захоўвання інфармацыі аб музейных прадметах і калекцыях, бібліятэчнай справы, білетнай сістэмы, прадастаўлення бізнес-аналітыкі кіраўнікам, а таксама распрацоўка мабільнай праграмы;

– укараненне сучасных сістэм бяспекі для прадухілення крадзяжу каштоўнасцей і выяўлення няштатных сітуацый;

– стварэнне аўдыявізуальнага комплексу для ўзаемадзеяння з наведвальнікамі.

частыя пытанні
Дзе я магу прыпаркаваць аўтамабіль?

Бліжэйшыя парковачныя месцы знаходзяцца ўздоўж вул. Карла Маркса (паркоўка платная)

Ці ёсць у музеі wi-fi?

Так, на першым паверсе галоўнага корпуса можна падключыцца да бясплатнага wi-fi, кропка доступу Artmuseum.by free wi-fi

Ці можна знаходзіцца ў музеі ў верхнім адзенні?

Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.

З якімі рэчамі знаходзіцца ў музейных залах нельга?

Усе габарытныя сумкі, заплечнікі, пакеты, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.

Ці можна наведваць экспазіцыю музея з дзіцячай каляскай?

Так, мы рады наведвальнікам узроставай катэгорыі 0+. Звярніце ўвагу на тое, што на першым паверсе музея размешчана толькі 5 выставачных залаў. Для таго каб наведаць іншыя – неабходна падняцца па лесвіцы.

Новы корпус – гэта дзе?

Новы корпус – усё той жа будынак па вул. Леніна, 20. Трапіць у экспазіцыі новага корпуса можна праз галоўны ўваход у музей. У залах рускага мастацтва ёсць пераход у новыя залы, якія былі прыбудаваны да асноўнага будынка ў 2006 годзе.

Ці ёсць у музеі ліфт?

На жаль, у музеі няма ліфта. Галоўны будынак музея быў пабудаваны ў 1957 годзе, і ліфт не быў прадугледжаны ў архітэктурным праекце.

Якія ўмовы створаны для наведвання людзей з абмежаванымі магчымасцямі?

Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро па гарадскім нумары: 397-01-63 альбо 342-87-87.

У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.

Ці існуе ў музеі дзень бясплатнага наведвання?

Апошняя серада месяца – дзень ільготнага наведвання. Уваходны білет у апошнюю сераду кожнага месяца складае 4 руб. для дарослых, 2 руб. для школьнікаў і студэнтаў дзённай формы навучання.

Ці ёсць зніжкі на набыццё ўваходнага білета для пенсіянераў?

На жаль, ільготы для людзей пенсійнага ўзросту ў музеі не прадугледжаны.

Ці ёсць у музеі аўдыягід?

Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.

Як мне трапіць на экскурсію?

У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).

Запісвацца неабходна як мінімум за тыдзень да меркаванага візіту па гарадскім тэлефоне: 397-01-63. У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.

Падрабязная афіша ўсіх падзей публікуецца ў раздзеле “Навіны”.

  • Мінск
    вул. Леніна, 20

  • Панядзелак - серада, пятніца - нядзеля:

    11:00 - 19:00

  • Чацвер:

    13:00 - 21:00

  • Аўторак:

    Выходны дзень

  • Мінск
    вул. Інтэрнацыянальная, 33А

  • Аўторак - субота:

    10:00 - 18:00

  • Нядзеля - панядзелак:

    Выходныя дні

  • Астрашыцкі гарадок
    с/к "Раўбічы"

  • Серада - нядзеля:

    10:00 - 17:00

  • Панядзелак - аўторак:

    Выходныя дні

  • Магілёў
    вул. Ленінская, 37

  • Серада - нядзеля:

    11:00 - 18:00

  • Панядзелак - аўторак:

    Выходныя дні