Аддзел беларускага мастацтва XX-XXI ст.

вул.Леніна 22, каб. 203, тэл. +375 17 365 18 36

Аддзел сучаснага беларускага мастацтва быў створаны ў 1957 годзе. З гэтага моманту асноўнымі напрамкамі яго дзейнасці сталі навукова-даследчая, фондавая і навукова-асветніцкая работа.

Супрацоўнікі аддзела займаюцца даследаваннем гісторыі развіцця айчыннага мастацтва з канца XIX стагоддзя па сённяшні дзень. Вынікі гэтай шматгадовай навуковай працы апублікаваны ў выданнях перыядычнага друку, каталогах выставак, каталогах музейных фондаў, альбомах, зборніках навуковых прац музея.

Супрацоўнікі аддзела прымаюць актыўны ўдзел у камплектацыі фондаў жывапісу, графікі і скульптуры, рэгулярна адбіраюць творы на выстаўках і ў майстэрнях мастакоў для іх набыцця ў калекцыю музея.

За гады існавання аддзела была зроблена вялікая праца па стварэнню і перыядычнаму абнаўленню пастаянных экспазіцый беларускага мастацтва ў музеі і яго філіялах. Сотні выставак з фондаў музея і з уласных калекцый айчынных мастакоў былі падрыхаваны і экспанаваліся ў музеі, філіялах, у іншых экспазіцыйных памяшканнях па ўсёй Беларусі, а таксама за мяжой.

Шмат увагі ў рабоце аддзела надаецца навукова-метадычнай і асветніцкай дзейнасці. Супрацоўнікі аддзела аказваюць метадычную дапамогу калегам з іншых музеяў як айчынных, так і замежных, кансультуюць па пытаннях, якія звязаны з гісторыяй беларускага мастацтва і з праблемамі яго сучаснага развіцця, навукоўцаў, мастакоў, студэнтаў і аспірантаў і наогул усіх, хто цікавіцца айчынным мастацтвам. Лекцыі і экскурсіі, якія прапаноўваюць супрацоўнікі аддзела аматарам мастацтва, даюць апошнім магчымасць ярка ўявіць сабе галоўныя тэндэнцыі і асаблівасці развіцця айчыннага мастацтва на працягу ХХ стагоддзя.

Аддзел узначальвалі Г.А. Баравік (1957–1964), П.М. Герасімовіч (1964–1981), В.С. Каваленка (1981–2004), В.У. Вайцэхоўская (2005–2012), В.А. Архіпава (2012–2014), Н.Л. Сяліцкая (2014–2015), К.В. Ізафатава (з 2015). У аддзеле ў розны час працавалі і працуюць: А.В. Васілеўская, Э.А. Петэрсон, Э.І. Вецер, В.М. Чуркіна, С.І. Кітаніна, А.С. Наркевіч, Н.М. Калашнік, В.Я. Буйвал, К.У. Барабанаў, А.В. Сцяпанава, А.В. Чайкоўская, Т.А. Сурская, А.Д. Смірнова, А.Ю. Смірнова, Л.Д. Налівайка, М.Л. Мальгіна, Ю.С. Загорская, В.У. Скалабан, В.У. Рыбчынская, Б.А. Крэпак, А.А. Карнейка і інш.

Асноўныя выданні, падрыхтаваныя аддзелам, і выданні, у падрыхтоўцы якіх прымалі ўдзел супрацоўнікі аддзела:

- Изобразительное искусство Белорусской ССР. М., 1957.

- Государственный художественный музей БССР. М., 1958.

- П. Герасимович. Е.А. Зайцев. М., 1958.

- Творы беларускіх мастакоў у Дзяржаўным мастацкім музеі БССР. Мн., 1959.

- Государственный художественный музей БССР. Русское и белорусское искусство ХVIII – начала ХХ века. Каталог-путеводитель. Л., 1968.

- Дзяржаўны мастацкі музей БССР. Мн., 1976.

- П. Герасімовіч. У.І. Ленін у выяўленчым мастацтве Беларусі. Мн., 1978.

- Дзяржаўны мастацкі музей БССР. Мн., 1979 (2-е выданне).

- Дзяржаўны мастацкі музей БССР. Мн., 1999 (3-е выданне).

- Беларуская савецкая скульптура са збору Дзяржаўнага мастацкага музея БССР. Каталог. Мн., 1978.

- Ізраіль Басаў. Каталог твораў жывапісу. Мн., 1996.

- Аркадзь Антонавіч Астаповіч. 1896–1941. Зінаіда Антонаўна Астаповіч-Бачарова. 1898–1993. Каталог выстаўкі. Мн., 1996.

- Сообщения Государственного художественного музея БССР. Выпуск 1. Мн., 1994.

- Паведамленні Нацыянальнага мастацкага музея Рэспублікі Беларусь. Выпуск 2. Мн., 1997.

- Паведамленні Нацыянальнага мастацкага музея Рэспублікі Беларусь. Выпуск 3. Мн., 2001.

- El poder de les imatges. Pintura Bielorussa 1930–1970. Cataleg. Barselona, 1997.

- Яков Кругер. Каталог произведений. Мн., 2000.

- Пэн і Шагал. Настаўнік і вучань. Жывапіс і графіка з Нацыянальнага мастацкага музея Рэспублікі Беларусь, Віцебскага абласнога краязнаўчага музея і Віцебскага музея Марка Шагала. Riga, 2001.

- Национальный художественный музей Республики Беларусь. Путеводитель. Мн., 2002.

- Міхаіл Савіцкі. Жывапіс. Выстаўка твораў, прысвечаная 80-годдзю з дня нараджэння. Мн., 2002.

- Віталь Канстанцінавіч Цвірка. Жывапіс, акварэль. Мн., 2003.

- Шедевры Национального художественного музея Республики Беларусь. Каталог выставки в Государственной Третьяковской галерее. Мн., 2004.

- Скарбы Нацыянальнага мастацкага музея Рэспублікі Беларусь. Мн., 2004.

 - Мастацтва 1920 – 1950-х гадоў. Нацыянальны мастацкі музей Рэспублікі Беларусь. Мн., 2006.

- Елена Аладова. Музей – ее судьба. Мн., 2006.

- Мой Минск. Анатоль Тычына. Мн., 2008.

- Мікола Селяшчук. Альбом-каталог твораў мемарыяльнай выстаўкі “Вяртанне дадому”. Мн., 2008.

- Времен связующая нить. 100 портеров XVI–XX веков из собрания Национального художественного музея Республики Беларусь. Мн., 2008.

- Виталий Цвирко. Знаменитые художники из Беларуси. Мн., 2012.

частыя пытанні

Дзе я магу прыпаркаваць аўтамабіль?

Бліжэйшыя парковачныя месцы знаходзяцца ўздоўж вул. Карла Маркса (паркоўка платная)

Ці можна знаходзіцца ў музеі ў верхнім адзенні?

Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.

З якімі рэчамі знаходзіцца ў музейных залах нельга?

Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.

Ці можна наведваць экспазіцыю музея з дзіцячай каляскай?

Так, мы рады наведвальнікам узроставай катэгорыі 0+. 

Ці ёсць зніжкі на набыццё ўваходнага білета для пенсіянераў?

Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў апошнюю сераду кожнага месяца і ў першы панядзелак кожнага месяца.

Якія ўмовы створаны для наведвання людзей з абмежаванымі магчымасцямі?

Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро па гарадскім нумары: 397-01-63 альбо 342-87-87.

У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.

Ці існуе ў музеі дзень бясплатнага наведвання?

Апошняя серада месяца – дзень ільготнага наведвання. Уваходны білет у апошнюю сераду кожнага месяца складае 4 руб. для дарослых, 2 руб. для школьнікаў і студэнтаў дзённай формы навучання.

Ці ёсць у музеі аўдыягід?

Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.

Як мне трапіць на экскурсію?

У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).

Запісвацца неабходна як мінімум за тыдзень да меркаванага візіту па гарадскім тэлефоне: 397-01-63. У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.

Падрабязная афіша ўсіх падзей публікуецца ў раздзеле “Навіны”.