У экспазіцыі прадстаўлена 35 жывапісных і скульптурных работ, створаных у перыяд з 1943 па 2009 год. Сярод аўтараў, прадстаўленых на выстаўцы, З. І. Азгур, А. А. Бембель, А. С. Гугель, С. І. Селіханаў, В. К. Жолтак, Р. У. Кудрэвіч, Л. Д. Шчамялёў, П. А. Данелія, М. М. Селяшчук і іншыя вядомыя майстры. Выстава дае магчымасць ацаніць жанравую і стылістычную разнастайнасць работ, прысвечаных ваеннай тэматыцы, і ацаніць значнасць тэмы апошняй вайны для беларускага мастацтва другой паловы XX – пачатку XXI ст.
На цырымоніі адкрыцця з урачыстым словам выступілі дырэктар мемарыяльнага комплексу “Брэсцкая крэпасць-герой” Рыгор Рыгоравіч Бысюк, навуковы супрацоўнік мемарыяльнага комплексу Галіна Юр’еўна Багдановіч, навуковы супрацоўнік Нацыянальнага мастацкага музея Рэспублікі Беларусь Франц Валер’евіч Корзун.
Цырымонія завяршылася экскурсіяй, падчас якой публіка азнаёмілася з экспазіцыяй выставы.
Выказваем шчырую падзяку ўсім гасцям мемарыяльнага комплексу “Брэсцкая крэпасць-герой”і прадстаўнікам сродкаў масавай інфармацыі, якія прынялі ўдзел у цырымоніі адкрыцця.
