Канферэнцыя адбудзецца 22 мая 2025 года па адрасе: г. Мінск, вул. Леніна, 20
На канферэнцыі прапануюцца да абмеркавання наступныя тэмы:
- Музей і яго збор, праблемы і практыкі калекцыянавання.
- Музей і Вялікая Айчынная вайна 1941–1945 гг.: гісторыя музея і бытаванне яго калекцый.
- Актуальныя тэндэнцыі ў галіне сучаснага выяўленчага мастацтва.
- Вялікая Айчынная вайна 1941–1945 гг. у творах выяўленчага мастацтва.
- Атрыбуцыя і навуковыя даследаванні твораў мастацтва з музейных калекцый.
- Практычны вопыт і гістарычная перспектыва рэстаўрацыі музейных прадметаў.
- Сучасныя магчымасці музейнай камунікацыі.
- Тэорыя і практыка музейнага менеджменту і маркетынгу.
- Музейная педагогіка праз прызму сучасных методык і тэхналогій.
- Інклюзія ў музейнай сферы.
У 2025 годзе апрабуецца тэматычнае пашырэнне, звязанае з міждысцыплінарнасцю і культурна-сацыяльным кантэкстам музейнай дзейнасці, такія тэматычныя напрамкі:
- Філасофія куратарства.
- Музеялогія, музеязнаўства, музейная справа.
- Музей як тэкст, яго вытворчасць і інтэрпрэтацыя.
- Музей і соцыум, рэпрэзентатыўнасць нацыянальнага.
- Музей і час: спадчынна, рэалізуемае, будучыня.
Да ўдзелу ў канферэнцыі запрашаюцца мастацтвазнаўцы, музеязнаўцы, рэстаўратары, гісторыкі, культуролагі і прадстаўнікі сумежных дысцыплін, якія разглядаюць магчымасць інфармаваць грамадскасць аб сваіх прафесійных напрацоўках.
Рэгламент канферэнцыі:
- Даклады – да 15 хвілін, выступы і паведамленні ў дыскусіях – да 5 хвілін.
- Мовы канферэнцыі: беларуская, руская.
- Форма правядзення: вочная.
Заяўку на ўдзел (па прыкладаемай форме) і тэкст даклада з паметкай «Аладаўскія чытанні» неабходна даслаць па электроннай пошце conference@artmuseum.by не пазней за 11 мая 2025 г.
Інфармацыйны ліст і заяўкаПа выніках работы канферэнцыі плануецца выданне зборніка навуковых артыкулаў. Аргкамітэт пакідае за сабой права адбору матэрыялаў для публікацыі ў зборніку. Публікацыя адабраных матэрыялаў бясплатная. Тэкст артыкула павінен быць добра вывераны, набраны ў адпаведнасці з пазначанымі ніжэй патрабаваннямі.
