24 лютага (субота) а 15-й гадзіне ў Мастацкім пройдзе традыцыйны аматарскі музычны салон "Музычны настрой" ад "Мира классической музыки".
На канцэрце ўвазе слухача будуць прадстаўлены шэдэўры класічнай музыкі. Прагучаць творы П. І. Чайкоўскага, А. Вівальдзі, К. Дэбюсі, С. Рахманінава, А. Дворжака і іншых.
У праграме бяруць удзел музыканты-аматары – людзі самых розных прафесій. Для іх ігра стала любімым захапленнем, якому яны аддаюцца ўсёй душой.
Канцэрт пройдзе ў галоўным корпусе музея (Леніна, 20). Папярэдняя рэгістрацыя не патрабуецца. Наведаць мерапрыемства можна па ўваходным білеце ў Мастацкі.
