З урачыстым словам на мерапрыемстве выступілі генеральны дырэктар Нацыянальнага мастацкага музея Пракапцоў У. І., дырэктар выдавецтва "Беларусь" Пешын С. У., кансультант упраўлення культуры і народнай творчасці Міністэрства культуры Аўдзей Н. .В, кандыдат мастацтвазнаўства і навуковы кансультант альбома Віннікава М. М., навуковы супрацоўнік навукова-фондавага аддзела Нацыянальнага мастацкага музея і адзін з аўтараў альбома Пракошына В. В.
Унікальны альбом працягвае фундаментальны шматтомны Навукова-асветніцкі праект Нацыянальнага мастацкага музея Рэспублікі Беларусь «Нашы калекцыі». Работы, якія былі прадстаўлены ў выданні, дазваляюць сфарміраваць уяўленне аб асаблівасцях традыцыйнай культуры беларускага народа. У выданні можна ўбачыць кераміку, мастацкія тканіны, разьбу і роспіс па дрэве, саломапляценне і інкрустацыю.
