3 чэрвеня ў Мастацкім адбудзецца штогадовы інклюзіўны праект “PlayArt. Стварай. Адчувай. Пазнавай”, прысвечаны Міжнароднаму дню абароны дзяцей.
Гэты праект закліканы аб’яднаць усіх дзяцей з асаблівасцямі і без, стварыць для іх камфортнае даступнае асяроддзе ў прасторы музея, прапанаваць праявіць і развіць свае творчыя здольнасці, навучыць разумець і адчуваць творы мастацтва, узаемадзейнічаць з імі рознымі спосабамі, акрамя таго, гэта цудоўная форма баўлення вольнага часу з сям’ёй.
Праграма мерапрыемства
- 12:00 Адкрыццё выставы работ-прызёраў розных гадоў конкурсу-пленэру юных мастакоў імя Міхаіла Сеўрука “Там, дзе музы падрасталі” ад ДУА “Нясвіжская дзіцячая школа мастацтваў” (сяродкрыжжа)
- 13:00–17:00 Майстар-клас па скетчынгу і малюнку ад АРТ-тэрыторыі (сяродкрыжжа)
- 14:00–17:00 Творчая лакацыя і выстава работ невідушчай мастачкі Анастасіі Бярговінай “Фарбы эмоцый”
- 15:00 Лекцыя “Як гаварыць з дзецьмі пра мастацтва” ад вядучага навуковага супрацоўніка Мастацкага Настассі Трафімчык. Праводзіцца на беларускай мове
- 17:00 Аўтарскі канцэрт кампазітара Вольгі Старцавай з удзелам навучэнцаў ДМШМ горада Мінска (сяродкрыжжа). У рамках мерапрыемства чакаецца розыгрыш падарункаў ад АРТ-тэрыторыі
