У музеі «Дом Ваньковічаў. Культура і мастацтва першай паловы XIX ст.» праходзяць інтэрактыўныя музейныя заняткі «Мода і аксэсуары першай паловы XIX ст.» з майстар-класамі па вырабе ўпрыгожванняў са стужак.
Ва ўтульнай атмасферы дваранскага дома наведвальнікі даведаюцца пра модныя тэндэнцыі першай паловы 19 стагоддзя. Даведаюцца, якое адзенне, тканіны і аксэсуары карысталіся попытам сярод жанчын і мужчын. Змогуць убачыць касцюмы і ўпрыгожванні таго часу на партрэтах, прадстаўленых у экспазіцыі музея. Падчас праграмы наведвальнікі вырабяць сваімі рукамі памятны падарунак – упрыгожванні з атласных стужак.
У кошт квітка 9 руб. уваходзіць наведванне экспазіцыі музея.
Даведкі па тэлефоне (017) 358 88 78
Чакаем вас у нашым музеі!
