Мы ведаем формулу для таго, каб палепшыць лета ў горадзе: мастацтва + добрая музыка. 7 ліпеня а 19-й гадзіне новы корпус стане прасторай, напоўненай музыкай, артыстамі брас-секстэта Вялікага тэатра Беларусі A.M.A.D.I.S. Brass.
Канцэрты ў Мастацкім музеі не абавязваюць заставацца ў глядзельнай зале, бо гук падарожнічае па ўсёй экспазіцыі. Разам з A.M.A.D.I.S. Brass мы падрыхтавалі праграму, якая зробіць вечар чацвярга ў музеі асаблівым і пакіне добрыя ўспаміны.
У праграме – творы Джэрэмая Кларка, Людавіка Эйнаўдзі, Жан-Жазэфа Мурэ, Георга Фрыдрыха Гендэля, Іагана Себасцьяна Баха, Гаўрыіла Папова, Джада Фрыдмана і іншых.*
Дзмітрый Гарбачук – труба
Аляксандр Антановіч – труба
Павел Кунц – валторна
Андрэй Міхалевіч – трамбон
Віктар Ярыноўскі – туба
Міхаіл Канстанцінаў – ударныя інструменты.
Білеты ўжо ў касе музея. Кошт білета на канцэрт і наведванне галоўнага корпуса (Леніна, 20 і 20а) – 20 руб.**
*У праграме магчымы змены.
**7 ліпеня з 18:30 наведванне экспазіцыі галоўнага корпуса (Леніна, 20а) дапушчальна толькі па білеце на канцэрт.
