Канцэрт камернага хору “Salutaris”

4 ліпеня а 19-й гадзіне ў Мастацкім музеі адбудзецца канцэрт камернага хору “Salutaris” у межах выставы “Яўген Саковіч. Прастора святла і колеру: акварэль».

Камерны хор "Salutaris" аб'яднання "Беларускі саюз музычных дзеячаў" існуе з 2007 года, і за гэты час ён стаў вядомы не толькі ў Беларусі, але і за яе межамі. 

Рэпертуар калектыву разнастайны - у ім ёсць класічныя творы, руская духоўная музыка, сучасныя творы маладых кампазітараў, танцавальная музыка, харавыя апрацоўкі беларускіх і рускіх народных песень. 

Канцэрт пройдзе ў галоўным корпусе Мастацкага (Леніна, 20). Наведаць яго можна па ўваходным білеце ў музей.