Будзе прадстаўлена праграма фолк-рок праекта ансамбля ў акустычнай апрацоўцы. Прагучаць песні на словы Уладзіслава Сыракомлі, Паўлюка Труса, Рыгора Барадуліна, Ірыны Багдановіч, а таксама творы, натхнёныя беларускім фальклорам. Салісты ансамбля будуць спяваць у суправаджэнні акустычнай інструментальнай групы ў складзе фартэпіяна, акустычнай бас гітары, тамбурына, дуды, дудкі, трубы.
Народны фальклорны ансамбль “Тутэйшая шляхта” БДУ быў створаны ў 1992 годзе. Удзельнікамі ансамбля з’яўляюцца выкладчыкі, супрацоўнікі і студэнты. Заснавальнікамі фальклорнага ансамбля “Тутэйшая шляхта” сталі супрацоўнікі БДУ – браты Леанід і Анатоль Махначы. Калектыў займаецца вывучэннем і выкананнем старажытных беларускіх шляхецкіх песень і танцаў. За час свайго існавання ансамбль браў удзел у вялікай колькасці канцэртаў, конкурсаў і фестываляў у Беларусі і за яе межамі. Цяпер мастацкім кіраўніком з’яўляецца Вольга Грышчанка.
Уваход на мерапрыемства па ўваходным білеце ў музей.
