Нацыянальны мастацкі музей Рэспублікі Беларусь сумесна з нацыянальнай кінастудыяй “Беларусьфільм” пачынае цыкл кінапаказаў у рамках выставачнага праекта “Мастак на вайне. Мастак пра вайну. Мастак пасля вайны”, прымеркаванага да 80-годдзя Перамогі ў Вялікай Айчыннай вайне. Чатыры кінапаказы – гэта чатыры фільмы пра вайну, знятыя на беларускай кінастудыі знакамітымі кінарэжысёрамі розных пакаленняў. Кожны з кінапаказаў суправаджаецца ўступным словам дацэнта кафедры кіно і тэлебачання факультэта экранных мастацтваў Беларускай дзяржаўнай акадэміі мастацтваў, кандыдата мастацтвазнаўства Анастасіі Віктараўны Харытоненка, якая сцісла ахарактарызуе час стварэння прадстаўленага фільма і раскажа пра значэнне карціны для беларускага кінематографа.
Першы кінапаказ адбудзецца 15.05.2025 (чацвер) у 18:30. Будзем глядзець і весці размову пра фільм рэжысёра Льва Голуба “Дзяўчынка шукае бацьку” (1959; працягласць 86 хвілін) паводле аднайменнай п’есы драматурга Яўгена Рыса.
Уваход па квітку ў музей.
