Конкурс «Мая музейная гісторыя»

Конкурс «Мая музейная гісторыя»

«1979 год. Я вучуся на трэцім курсе Ленінградскага інстытута жывапісу, скульптуры і архітэктуры имя Рэпіна. Мая сяброўка з Мінска запрашае да сябе ў госці на летнія канікулы і прапануе схадзіць у музей. Я думаю: «Ну што там гэты мінскі музей? Што я там убачу?»

Вуліца Леніна была засаджана ліпамі. Я часта ўспамінаю гэты водар, таму што ўсе дрэвы за гэты час зніклі.

«Божа, што гэта?!» - такое незразумелае ўражанне было ў мяне ад суровага фасада. Але калі мы ўвайшлі ў музей, пачалі падымацца па мармуровай лесвіцы, я раптам убачыла калекцыю рускага мастацтва... О, мяне моцна ўразіла багацце калекцыі: «Адкуль, адкуль такія рэчы?!»

І вось я працую ў гэтым музеі ўжо больш за сорак гадоў і займаюся гісторыяй музея!», - успамінае Надзея Міхайлаўна Усава, вядучы навуковы супрацоўнік Мастацкага музея.

А як адбылася ваша першая сустрэча з мастацтвам? Які твор выклікаў пяшчотнае трапятанне ў сэрцы? Чаму музей – ваша любімае месца? Час успомніць і расказаць пра свае ўспаміны, звязаныя з Мастацкім.

Аўтар самага цікавага аповеду будзе ўзнагароджаны памятным прызам. Усе ўдзельнікі конкурсу атрымаюць у падарунак квіток у Мастацкі музей! 

  • да 3 лістапада (уключна) дасылайце свае музейныя гісторыі ў фармаце файла Word на пошту artlovemuseum@gmail.com з тэмай «КОНКУРС» (фотаздымкі вітаюцца)
  • 4 лістапада чакайце вынікі конкурсу і ТОП-5 самых цікавых гісторый у Instagram
  • 5 лістапада адбудзецца ўрачыстае ўзнагароджанне пераможцы ў рамках мерапрыемства з нагоды 69-годдзя з дня адкрыцця галоўнага корпуса Нацыянальнага мастацкага музея
Фота
Падзеі
Круглы стол «Мастацтва выразання. Учора, сёння, заўтра»
Круглы стол «Мастацтва выразання. Учора, сёння, заўтра»

Нацыянальны мастацкі музей Рэспублікі Беларусь

Філасофія прасторы колеру: да 100-годдзя Аляксандра Салаўёва
Філасофія прасторы колеру: да 100-годдзя Аляксандра Салаўёва

Нацыянальны мастацкі музей Рэспублікі Беларусь

Першая музычная сесія ў рамках сумеснага праекта Мастацкага музея і Accidental point
Першая музычная сесія ў рамках сумеснага праекта Мастацкага музея і Accidental point

Нацыянальны мастацкі музей Рэспублікі Беларусь

Навукова-практычны семінар Святланы Яворскай «Выразанне з паперы і ірваная аплікацыя ў арт-тэрапіі і арт-прафілактыцы»
Навукова-практычны семінар Святланы Яворскай «Выразанне з паперы і ірваная аплікацыя ў арт-тэрапіі і арт-прафілактыцы»

Нацыянальны мастацкі музей Рэспублікі Беларусь

частыя пытанні

Дзе я магу прыпаркаваць аўтамабіль?

Бліжэйшыя парковачныя месцы знаходзяцца ўздоўж вул. Карла Маркса (паркоўка платная)

Ці можна знаходзіцца ў музеі ў верхнім адзенні?

Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.

З якімі рэчамі знаходзіцца ў музейных залах нельга?

Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.

Ці можна наведваць экспазіцыю музея з дзіцячай каляскай?

Так, мы рады наведвальнікам узроставай катэгорыі 0+. 

Ці ёсць зніжкі на набыццё ўваходнага білета для пенсіянераў?

Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў першы панядзелак кожнага месяца.

Якія ўмовы створаны для наведвання людзей з абмежаванымі магчымасцямі?

Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро: +375 17 397 01 63,  +375 25 667 78 19.

У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.

Ці існуе ў музеі дзень бясплатнага наведвання?

Першы панядзелак месяца – дзень ільготнага наведвання (зніжка 50% на ўваходныя білеты).

Ці ёсць у музеі аўдыягід?

Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.

Як мне трапіць на экскурсію?

У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).

Запісвацца неабходна як мінімум за тыдзень да меркаванага візіту па  тэлефонах: +375 17 397 01 63,  +375 25 667 78 19. 

У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.