15 сакавіка (субота) 2025 года ў 17:00 запрашаем на канцэрт “Шэдэўры Іагана Себасцьяна Баха”.
Напярэдадні 340-годдзя Іагана Себасцьяна Баха яго музыка ажывіць белую залу Мастацкага музея. У выкананні артыстаў аркестра Вялікага тэатра Беларусі, салісткі оперы Кацярыны Міхнавец, а таксама таленавітай маладой піяністкі Лідзіі Яфімовіч, прагучаць выбраныя творы нямецкага генія. Вялікі тэатр Беларусі падрыхтаваў музычную праграму, якая адначасова прадставіць цэласны гукавы “адбітак” – карціну бахаўскай творчасці, – і нагадае слухачам самыя вядомыя яго старонкі. Прагучаць часткі з інструментальных сюіт, партыт, санат, канцэртаў, а таксама фрагменты са знакамітых Страсцей па Матфею.
Наведаць канцэрт можна па ўваходным білеце ў музей (галоўны корпус, Леніна, 20; сяродкрыжжа). Папярэдняя рэгістрацыя не патрабуецца.
Падзеі
"Вясновы канцэрт" Тэатра танца "Чарлі"
Нацыянальны мастацкі музей Рэспублікі Беларусь
Лекцыя Логдачавай Наталлі Віктараўны, прысвечаная творчасці скульптара Ільі Якаўлевіча Гінцбурга
Нацыянальны мастацкі музей Рэспублікі Беларусь
Лэдзі, усё будзе добра!
Нацыянальны мастацкі музей Рэспублікі Беларусь
Графік працы з 1 сакавіка 2025 года
Нацыянальны мастацкі музей Рэспублікі Беларусь
частыя пытанні
Дзе я магу прыпаркаваць аўтамабіль?
Бліжэйшыя парковачныя месцы знаходзяцца ўздоўж вул. Карла Маркса (паркоўка платная)
Ці можна знаходзіцца ў музеі ў верхнім адзенні?
Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.
З якімі рэчамі знаходзіцца ў музейных залах нельга?
Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.
Ці можна наведваць экспазіцыю музея з дзіцячай каляскай?
Так, мы рады наведвальнікам узроставай катэгорыі 0+.
Ці ёсць зніжкі на набыццё ўваходнага білета для пенсіянераў?
Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў першы панядзелак кожнага месяца.
Якія ўмовы створаны для наведвання людзей з абмежаванымі магчымасцямі?
Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро: +375 17 397 01 63, +375 25 667 78 19.
У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.
Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.
Як мне трапіць на экскурсію?
У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).
Запісвацца неабходна як мінімум за тыдзень да меркаванага візіту па тэлефонах: +375 17 397 01 63, +375 25 667 78 19.
У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.
Сайт выкарыстоўвае cookies. Працягваючы праглядаць старонкі, вы даяце згоду на апрацоўку файлаў cookie і карыстальніцкіх дадзеных.
