8 мая ў 16:30 у Мастацкім музеі адбудзецца канцэрт “Кветкі Перамогі” ўзорнага дзіцячага хору “Спяваючыя музыканты” Рэспубліканскай гімназіі-каледжа пры Беларускай дзяржаўнай акадэміі музыкі.
Хор “Спяваючыя музыканты” з’яўляецца ўладальнікам шэрага высокіх узнагарод розных рэспубліканскіх і міжнародных харавых конкурсаў і фестываляў.
У рэпертуары хору – творы рускай і замежнай класікі, харавыя сачыненні беларускіх кампазітараў, духоўная музыка, апрацоўкі народных песень, сачыненні сучасных аўтараў.
У праграме канцэрта прагучаць творы А. Даргамыжскага, А. Скрабіна, Я. Касалапава, У. Высоцкага, А. Літвіноўскага і іншых кампазітараў.
Канцэрт пройдзе ў галоўным корпусе Мастацкага музея (Леніна, 20). Наведаць яго можна па ўваходным білеце.
