20 сакавіка (чацвер) 2025 года ў 19:00 у Мастацкім музеі адбудзецца канцэрт самых папулярных песень Джорджа Гершвіна “Лэдзі, усё будзе добра!”, які перанясе вас у 20–30-я гады ХХ стагоддзя. У праграме прагучаць творы кампазітара ў выкананні харызматычнай спявачкі Наталлі Пупшыновіч пад акампанемент маладой таленавітай піяністкі Ксеніі Хатылёвай.
Вясновым вечарам у Мастацкім музеі прагучаць самыя папулярныя песні вядомых брадвейскіх мюзіклаў. Кожная кампазіцыя раскрываецца незабыўным меладычным матывам, а арыгінальны тэкст песень дапаўняе і падкрэслівае іх рытмічны малюнак. Многія з іх сталі джазавымі стандартамі.
Наведаць канцэрт можна па ўваходным білеце ў музей (галоўны корпус, Леніна, 20; сяродкрыжжа). Папярэдняя рэгістрацыя не патрабуецца.
