Мастацкі музей запрашае на лекцыю "Міфалагічныя вобразы Кітая ў мастацтве", якая адбудзецца 7 ліпеня (нядзеля) а 14-й гадзіне.
Міфалогія Кітая – складаназалежная іерархічная сістэма, непарыўна звязаная з культурнымі асаблівасцямі і традыцыямі. Яна развівалася і пераўтваралася на працягу пяці тысяч гадоў.
На лекцыі пойдзе гаворка пра светапоглядныя канстанты Старажытнага Кітая, якія знайшлі сваё адлюстраванне не толькі ў грамадскім жыцці, але і ў міфалогіі (Інь і Ян, У Сін, Лі і г.д.). Мы разбярэм асноўныя міфалагічныя выявы, іх вытокі і семантычнае значэнне на прыкладзе твораў мастацтва.
Чытае лекцыю Багдана Тупчыенка - малодшы навуковы супрацоўнік Мастацкага музея.
Лекцыя пройдзе ў галоўным корпусе музея (Леніна, 20; зала беларускага мастацтва XIX-пачатку XX стст). Наведаць мерапрыемства можна па ўваходным білеце.
