Нацыянальны мастацкі музей Рэспублікі Беларусь запрашае ўсіх жадаючых на лекторый выхаднога дня.
4 верасня (нядзеля) а 14-й гадзіне ў рамках рэалізацыі праекта “Навука мастацтва і мастацтва навукі” адбудзецца лекцыя “Вобразы жанчын эпохі Адраджэння, якія музіцыруюць: полімастацкі падыход”.
Гэты падыход дазваляе аб’яднаць творы жывапісу, музычныя сачыненні і, вядома, літаратурныя творы (якія разглядаюцца як “мастацтва слова”) у адзінай прасторы – прасторы разумення мастацтва. У ёй мы звернемся да “мастацтва жаночага роду”.
Лекцыю чытае Шкор Лідзія Аляксандраўна, кандыдат мастацтвазнаўства, дацэнт, дактарант кафедры педагогікі БДПУ.
Папярэдняя рэгістрацыя не патрабуецца.
Уваход на лекцыю па ўваходным білеце ў галоўны корпус музея.
