22 студзеня а 17-й гадзине адбудзецца лекцыя “Астральныя сімвалы на антычных манетах: міждысцыплінарны падыход”.
Манетны чакан Антычнасці надзвычай багаты на сюжэты і ўяўляе сабой сведчанне высокага мастацтва.
Слухачы лекцыі змогуць пазнаёміцца адразу з некалькімі кантэкстамі вывучэння гэтага незвычайнага феномена. Ён будзе разгледжаны ў якасці аб’екта вывучэння астральнай сімволікі, якая адлюстроўвае астранамічныя веды ў антычнай культуры. Таксама пойдзе гаворка пра рэлігійныя вераванні, міфалагічныя ўяўленні, звязаныя з культамі свяцілаў, уплыў астральнай сімволікі на жыццё і паўсядзённыя практыкі людзей, іх светаўспрыманне.
Лекцыю чытае Аляксандр Шымбалёў – астраном, старшы выкладчык БДПУ імя М. Танка.
Папярэдняя рэгістрацыя не патрабуецца.
Наведаць лекцыю можна па ўваходным білеце ў галоўны корпус музея.
