Запрашаем на канцэрт "Музычная акварэль", які адбудзецца 10 лютага (субота) а 15-й гадзіне ў рамках духоўна-асветніцкага праекта "Дні праваслаўнай культуры".
У праграме мерапрыемства запланавана лекцыя катэхізатара Храма Праведнай Сафіі Слуцкай, кандыдата педагагічных навук А. М. Катко на тэму "Пост як крыніца духоўнасці чалавека" і выступленне харавога аддзялення Дзіцячай музычнай школы мастацтваў № 6 Мінска.
На канцэрце выступіць малодшы хор "Фантазія" і старэйшы хор "Камертон".
У рэпертуар калектываў уваходзяць творы рускіх і замежных класікаў, сучасных кампазітараў і народна-песенная творчасць.
Наведаць канцэрт можна па ўваходным білеце ў галоўны корпус Мастацкага музея (Леніна, 20). Папярэдняя рэгістрацыя не патрабуецца.
