Распачне праграму ў 11:00 круглы стол. На ім свае даклады, прысвечаныя багаццю культурнай спадчыны і яе ўплыву на фармаванне нацыянальнай ідэнтычнасці, гістарычнай памяці, пачуцця патрыятызму, прадставяць навуковыя супрацоўнікі Нацыянальнай акадэміі навук Беларусі і Нацыянальнага мастацкага музея Рэспублікі Беларусь.
Знакавай часткай праграмы стане адкрыццё ў 15:00 выставы “Вобразы Святога Сямейства” з фондаў Музея старажытнабеларускай культуры Цэнтра даследаванняў беларускай культуры, мовы і літаратуры Нацыянальнай акадэміі навук Беларусі, на якой будуць прадстаўлены абразы XVII – першай паловы XIX ст., а таксама прыклады арнатаў – літургічнага адзення каталіцкіх святароў XVIII–XIX стст.
Музычным аздабленнем імпрэзы стануць выступленні Музычнай капэлы Цэнтра даследаванняў беларускай культуры, мовы і літаратуры Нацыянальнай акадэміі навук Беларусі (мастацкі кіраўнік – загадчык аддзела музычна-выканальніцкага мастацтва, кандыдат мастацтвазнаўства Галіна Цмыг) і фальклорнай групы “Страла” Беларускага дзяржаўнага ўніверсітэта культуры і мастацтваў (мастацкі кіраўнік – старшы выкладчык кафедры народна-песеннай творчасці і фальклору Эвеліна Шчадрына).
Сардэчна запрашаем!
