Патрыятычная акцыя “Непакорныя”

Патрыятычная акцыя “Непакорныя”
У рамках патрыятычнай акцыі "Непакорныя" адбыўся круглы стол "Захаванне гістарычнай памяці аб Вялікай Айчыннай вайне. Генацыд беларускага народа".

На тэму ўвекавечання памяці аб абаронцах Айчыны, удзельніках Вялікай Айчыннай вайны ў Расійскай Федэрацыі выступілі Навуменка Сямён Сяргеевіч, студэнт Прыамурскага дзяржаўнага ўніверсітэта імя Шолам-Алейхема, а таксама Мікалаева Крысціна Аляксееўна і Даставалава Паліна Аляксандраўна, студэнты Новасібірскага дзяржаўнага педагагічнага ўніверсітэта.

Аб рабоце, якая праводзіцца музеямі Рэспублікі Беларусь, расказалі прадстаўнікі беларускіх музеяў. Яцкевіч Наталля Анатольеўна, загадчык аддзела гісторыі партызанскага руху Беларускага дзяржаўнага музея гісторыі Вялікай Айчыннай вайны, выступіла з дакладам на тэму “Злачынствы нацысцкіх акупантаў на тэрыторыі Беларусі 1941–1944 гг. (па матэрыялах Беларускага дзяржаўнага музея гісторыі Вялікай Айчыннай вайны)”. Усава Надзея Міхайлаўна, вядучы навуковы супрацоўнік аддзела навукова-асветніцкай работы Нацыянальнага мастацкага музея Рэспублікі Беларусь, распавяла аб мастацка-дакументальнай выставе “Ніколі больш!” Нацыянальнага мастацкага музея Рэспублікі Беларусь, прысвечанай тэме генацыду ў БССР у гады Вялікай Айчыннай вайны ў дакументах і творах беларускіх мастакоў, аб вопыце арганізацыі выставы і вывучэнні эмацыянальнага ўздзеяння на гледача. Салодкі Дзмітрый Аляксандравіч, вядучы навуковы супрацоўнік аддзела беларускага мастацтва ХХ–ХХІ стст. Нацыянальнага мастацкага музея Рэспублікі Беларусь, на прыкладзе выставачнага праекта, прысвечанага 100-годдзю з дня нараджэння Міхаіла Савіцкага, прадставіў адну з галоўных тэм у творчасці мастака-франтавіка, відавочцы ваенных падзей – злачынствы супраць чалавечнасці ў гады Вялікай Айчыннай вайны.

 Па завяршэнні круглага стала ўдзельнікі патрыятычнай акцыі “Непакорныя” пазнаёміліся з пастаяннай экспазіцыяй Нацыянальнага мастацкага музея Рэспублікі Беларусь. Супрацоўнікі музея правялі для моладзі экскурсіі па раздзелах “Беларускае мастацтва ХХ–ХХІ стст.” і “Замежнае мастацтва ХVI–ХХ стст.”, пазнаёмілі іх з творамі народнага мастака Беларусі М. А. Савіцкага, а таксама з творамі з калекцыі музея, якія былі вывезены ў гады Вялікай Айчыннай вайны ў Германію і пазней вернуты Чырвонай Арміяй у Мінск.

КРУГЛЫЙ СТОЛ
КРУГЛЫЙ СТОЛ
КРУГЛЫЙ СТОЛ
КРУГЛЫЙ СТОЛ
КРУГЛЫЙ СТОЛ
КРУГЛЫЙ СТОЛ
КРУГЛЫЙ СТОЛ

частыя пытанні

Дзе я магу прыпаркаваць аўтамабіль?

Бліжэйшыя парковачныя месцы знаходзяцца ўздоўж вул. Карла Маркса (паркоўка платная)

Ці можна знаходзіцца ў музеі ў верхнім адзенні?

Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.

З якімі рэчамі знаходзіцца ў музейных залах нельга?

Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.

Ці можна наведваць экспазіцыю музея з дзіцячай каляскай?

Так, мы рады наведвальнікам узроставай катэгорыі 0+. 

Ці ёсць зніжкі на набыццё ўваходнага білета для пенсіянераў?

Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў апошнюю сераду кожнага месяца і ў першы панядзелак кожнага месяца.

Якія ўмовы створаны для наведвання людзей з абмежаванымі магчымасцямі?

Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро па гарадскім нумары: 397-01-63 альбо 342-87-87.

У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.

Ці існуе ў музеі дзень бясплатнага наведвання?

Апошняя серада месяца – дзень ільготнага наведвання. Уваходны білет у апошнюю сераду кожнага месяца складае 4 руб. для дарослых, 2 руб. для школьнікаў і студэнтаў дзённай формы навучання.

Ці ёсць у музеі аўдыягід?

Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.

Як мне трапіць на экскурсію?

У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).

Запісвацца неабходна як мінімум за тыдзень да меркаванага візіту па гарадскім тэлефоне: 397-01-63. У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.

Падрабязная афіша ўсіх падзей публікуецца ў раздзеле “Навіны”.