2 сакавіка 2026 года а 17-й гадзіне ў Нацыянальным мастацкім музеі Рэспублікі Беларусь (вул. Леніна, 20) адбудзецца перформанс-прэзентацыя “Усе носяць Царфіна” сумесна з беларускім брэндам KIKO RICHEN.
Увазе публікі будзе прадстаўлена лімітаваная серыя калекцыйных хустак брэнда KIKO RICHEN з натуральнага шоўку, выкананых па эскізах беларуска-французскага мастака Файбіша-Шрагі Царфіна (ураджэнец мястэчка Смілавічы, прадстаўнік Парыжскай школы, вядучы тэкстыльны мастак свайго часу).
Хусткі прадэманструюць не толькі мадэлі, але і музейныя скульптуры. Усе жадаючыя змогуць прымераць хусткі, зрабіць фота, а таксама набыць унікальны аксесуар у музейнай краме.
Акрамя таго, на адзін дзень два жывапісныя творы Царфіна з калекцыі музея пакінуць запаснік, каб стаць важнай часткай мерапрыемства.
Прыходзьце ў Мастацкі 2 сакавіка і пераканайцеся, што УСЕ НОСЯЦЬ ЦАРФІНА.
Уваход на мерапрыемства па ўваходным білеце ў музей.
