Напярэдадні Дня Перамогі запрашаем вас на канцэрт “Песні Вялікай Перамогі”, які пройдзе 8 мая ў 14:30.
У выкананні навучэнцаў Мінскага дзяржаўнага музычнага каледжа імя М. І. Глінкі прагучаць песні аб Радзіме, аб сустрэчы і расстанні, аб страце і надзеі. Гэтыя творы дапамагалі выжыць, выстаяць і перамагчы, надавалі сіл у часы цяжкіх выпрабаванняў. Гледачы пачуюць такія знакамітыя песні, як “Мой милый, если б не было войны…”, “Темная ночь”, “Синий платочек”, “Катюша”, “Журавли”, “За дальнею околицей”, “Эхо любви”, “Случайный вальс” і інш.
Гэты канцэрт з’яўляецца таксама данінай павагі і памяці ветэранам Мінскага дзяржаўнага каледжа імя М. І. Глінкі, які ў 2024 годзе адзначае свой 100-гадовы юбілей.
Мерапрыемства пройдзе ў галоўным корпусе Мастацкага музея (Леніна, 20). Наведаць яго можна па ўваходным білеце.
