PlayArt. Стварай. Адчувай. Спазнавай 2025

Дарагія сябры! 14 чэрвеня 2025 года з 12:00 да 16:00 Нацыянальны мастацкі музей Рэспублікі Беларусь запрашае на мастацкае свята, прысвечанае Міжнароднаму дню абароны дзяцей “PlayArt. Стварай. Адчувай. Спазнавай”.

Святы ў Мастацкім музеі адзначаюцца ярка і весела. Творчая атмасфера і дзіцячы смех напоўняць залы. “PlayArt” для дзетак і іх бацькоў – адна з самых запамінальных падзей лета. Гэты дзень нагадвае нам, як важна клапаціцца пра дзяцей і рабіць так, каб кожнае дзіця адчувала сябе каханым і абароненым. 

Вас чакае шмат цікавага! Мы падрыхтавалі займальныя майстар-класы і інтэрактыўныя праграмы, каб вашыя дзеткі весела і крэатыўна правялі час у асяроддзі іншых рабят. Прыходзьце ствараць, адчуваць і спазнаваць мастацтва па-новаму разам з Мастацкім! 

Наведаць мерапрыемства можна па ўваходным білеце ў музей (галоўны корпус, вул. Леніна, 20). Папярэдняя рэгістрацыя не патрабуецца.