Праект “Вернутыя шэдэўры”

Праект “Вернутыя шэдэўры”
Праект “Вернутыя шэдэўры” у рамках Года гістарычнай памяці паказвае тыя творы са збору даваеннай Дзяржаўнай карціннай галерэі ў Мінску (1939–1941), якія ў 1941 годзе і на працягу вайны былі вывезены ў Германію фашысцкімі акупантамі для стварэння Музея фюрэра ў Лінцы – родным горадзе А. Гітлера.

Часці Чырвонай арміі ў 1945 годзе знайшлі сховішча нарабаваных беларускіх каштоўнасцей пад Кёнігсбергам. Праз музей у Паўлаўску ў 1947–1949 гадах яны былі вернуты на радзіму, у Мінск.

У двух вагонах у Мінск вярнуліся некалькі тысяч экспанаў з беларускіх музеяў. У Карцінную галерэю, на жаль, – з трохтысячнага збору – толькі рэшткі калекцыі, каля пяцісот твораў. 

У сучасную экспазіцыю музея трапілі каля 50 твораў. Яны пазначаны “чырвонымі зоркамі” – старажытным сімвалам абароны, рэвалюцыі, эмблемай Чырвонай арміі. Зараз зорка сімвалізуе знак удзячнасці нашчадкаў за выратаванне мастацкай спадчыны.

Гэтыя творы – сапраўдныя “зоркі” нашага музея, адны з найкаштоўнейшых экспанатаў.

Праект пачне сваю работу з 22 чэрвеня 2022 г.

частыя пытанні

Дзе я магу прыпаркаваць аўтамабіль?

Бліжэйшыя парковачныя месцы знаходзяцца ўздоўж вул. Карла Маркса (паркоўка платная)

Ці можна знаходзіцца ў музеі ў верхнім адзенні?

Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.

З якімі рэчамі знаходзіцца ў музейных залах нельга?

Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.

Ці можна наведваць экспазіцыю музея з дзіцячай каляскай?

Так, мы рады наведвальнікам узроставай катэгорыі 0+. 

Ці ёсць зніжкі на набыццё ўваходнага білета для пенсіянераў?

Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў першы панядзелак кожнага месяца  і ў апошнюю сераду кожнага месяца .

Якія ўмовы створаны для наведвання людзей з абмежаванымі магчымасцямі?

Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро: +375 17 397 01 63,  +375 25 667 78 19.

У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.

Ці існуе ў музеі дзень бясплатнага наведвання?

Апошняя серада месяца – дзень ільготнага наведвання (зніжка 50% на ўваходныя білеты).

Ці ёсць у музеі аўдыягід?

Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.

Як мне трапіць на экскурсію?

У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).

Запісвацца неабходна як мінімум за тыдзень да меркаванага візіту па  тэлефонах: +375 17 397 01 63,  +375 25 667 78 19

У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.