У гэты дзень вы зможаце стварыць выцінанку сваімі рукамі, даведацца пра таямніцы самай вялікай карціны ў Мастацкім музеі і нават стаць мастаком! Захапляльныя заняткі ў нашым "Мастацкім класе" праявяць вашу крэатыўнасць і яшчэ больш закахаюць у мастацтва. Гучыць цікава? Тады чакаем вас 23 жніўня па адрасе: вул. Леніна, 20.
Наведаць мерапрыемствы можна па ўваходным білеце ў Мастацкі музей.
“Гульня ў нацюрморт”
- 12:00
- Для дзяцей ад 7 гадоў
Навошта мастакі так часта малююць яблыкі і лімоны? Які водар у румяных персікаў ці дымчатага вінаграда на карціне Івана Хруцкага? Чаму цудоўны цюльпан губляе свае пялёсткі? Для чаго Ілья Машкоў запоўніў усю карціну пузатымі і знарок буйнымі гарбузамі? Як глядзець карціны, каб пранікнуць у іх сутнасць? Інтэрактыўная экскурсія пашырыць уяўленне дзяцей аб адным з жанраў жывапісу – нацюрморце.
(рускае мастацтва, 5 зала)
“Таямніцы легендарнай карціны”
- 12:30
- Для дзяцей і дарослых
Ці зможаце вы раскрыць таямніцы, якія хавае самая вялікая карціна ў Мастацкім музеі? Запрашаем вас здзейсніць падарожжа ў мінулае скрозь манументальнае палатно Валянціна Волкава “Мінск. 3 ліпеня 1944” (1945–1955 гг.)! Неверагодныя факты, утоеныя дэталі і неразгаданыя загадкі чакаюць вас. Ці станеце вы тым, хто ўбачыць нешта новае?
(беларускае мастацтва XX–XXI ст., 2 зала)
Інтэрактыўную зборную праграму можна наведаць толькі па папярэднім запісе! Запіс адкрыецца 21.08 ў 16:00!
Майстар-клас “Выцінанка”
- 13:00
- Для дзяцей і бацькоў
Раскрыйце сакрэты чароўнага мастацтва выцінанкі! Мы навучым вас ствараць ажурныя шэдэўры з паперы, ад простых геаметрычных узораў да вытанчаных сюжэтных кампазіцый – і ўсё гэта сваімі рукамі!
(зала старажытнабеларускага мастацтва)
Інтэрактыўны клас “Ствары сваю карціну”
- 13:30
- Для дзяцей ад 7 гадоў
Ці марылі вы калі-небудзь стаць умелым жывапісцам? У рамках інтэрактыўнага класа вы адчуеце сабе майстрам, які стварае карціны! Разам мы размалюем фрагменты твораў з калекцыі Мастацкага музея, а затым адправімся на пошукі палотнаў, да якіх яны належаць.
(зала беларускага мастацтва XIX – пачатку XX ст.)
