Генеральны дырэктар Нацыянальнага мастацкага музея Рэспублікі Беларусь Ірына Уладзіміраўна Мацяс выступіла з прывітальным словам і ўручыла новым супрацоўнікам памятныя сувеніры.
Член прафкама пярвічнай прафсаюзнай арганізацыі Нацыянальнага мастацкага музея Рэспублікі Беларусь, першы сакратар Ленінскай раённай арганізацыі Грамадскага аб’яднання “Беларускі рэспубліканскі саюз моладзі” і намеснік начальніка аддзела дагаворна-прававой і кадравай работы праінфармавалі маладых спецыялістаў па важных пытаннях у адпаведных галінах і выказалі гатоўнасць дапамагчы з праблемамі, якія паўстаюць у ходзе адаптацыі да новага працоўнага месца.
Надзея Міхайлаўна Усава, вядучы навуковы супрацоўнік, якая прайшла шлях ад маладога спецыяліста да эксперта ў мастацтве, падзялілася цёплымі ўспамінамі аб сваім першым працоўным дні і пажадала юным супрацоўнікам набыць багаты прафесійны вопыт і пабудаваць паспяховую кар’еру ў музеі.
