10 лістапада (чацвер) ў 18:30 адбудзецца творчая сустрэча з фатографам Валерыем Вядрэнкам у рамках выставы “Невядомае аб вядомым. Пра што кажуць кветкі”.
Валерый Вядрэнка – беларускі мастак, фатограф і публіцыст. Ён працуе ва ўсіх жанрах фатаграфіі, аддаючы перавагу пейзажу і метафарычным лічбавым мантажам, якія прапануе называць “фотапластыка”.
Валерый жыве і працуе ў Мінску, яго творы знаходзяцца ў дзяржаўных музеях Беларусі і ў прыватных калекцыях Літвы, Расіі, Іспаніі, Польшчы, ЗША.
На творчай сустрэчы можна будзе даведацца пра фатаграфію, фотапластыку і цыкл прац “Кругаварот”, які зараз можна ўбачыць у Мастацкім музеі.
