Запрашаем на творчую сустрэчу з Ганнай Садоўскай, чыя персанальная выстава “Шляхі творчасці” зараз праходзіць у Мастацкім.
2 жніўня а 17-й гадзіне аўтар правядзе незвычайную сустрэчу-экскурсію з наведвальнікамі, на якой раскажа не толькі пра свае творы, але і пакажа самыя любімыя работы ў пастаяннай экспазіцыі, якія паўплывалі на творчы шлях мастака.
На адкрыцці выставы Ганна Садоўская адзначыла, што для любога творчага чалавека Мастацкі музей з’яўляецца важным і знакавым месцам: “І датычыцца гэта не толькі мастацтва, але і жыцця”.
Наведаць мерапрыемства можна па ўваходным білеце ў галоўны корпус музея (Леніна, 20).
Папярэдняя рэгістрацыя не патрабуецца.
