Творчая сустрэча з Мацвеем Басавым

Мастацкі музей запрашае на творчую сустрэчу з Мацвеем Басавым, якая адбудзецца ў рамках персанальнай выставы мастака “Святло ў далонях”.

Мацвей Басаў раскажа пра сваю творчасць, пазнаёміць з работамі, якія ўвайшлі ў экспазіцыйную прастору. На творчай сустрэчы можна будзе даведацца, адкуль Мацвей Басаў чэрпаў натхненне для той ці іншай карціны, якую філасофскую ідэю закладваў у кожны твор, як стаў мастаком, як пачынаўся яго творчы шлях. Ён падзеліцца сваім бачаннем ролі мастака і творцы ў жыцці сучаснага грамадства. Сустрэча з маэстра стане сапраўднай падзеяй для ўсіх аматараў і знаўцаў выяўленчага мастацтва. Госці змогуць задаць пытанні майстру, падзяліцца думкамі і ўражаннямі. 

 

• 4 верасня (чацвер) 
• 18:00 
• выставачны корпус (К. Маркса, 24); 4 паверх

Уваход на мерапрыемства ажыццяўляецца па ўваходным білеце ў музей.