У Мастацкім музеі працягваецца цыкл лекцый аб французскім мастацтве, які прымеркаваны да адкрыцця выставы “Нашы калекцыі. Французскае выяўленчае мастацтва”.
Тэма другой лекцыі – “Творчасць Нікала Пусэна”. Мастак стаў адным з заснавальнікаў і галоўных прадстаўнікоў жывапісу эпохі класіцызму. Метады выражэння жывапісца лічацца эталонам у класіцызме. Большасць твораў майстра звязаны з міфалагічнымі і біблейскімі сюжэтамі.
Лекцыя адбудзецца 25 лістапада (субота) а 16-й гадзіне ў залах выставы “Нашы калекцыі. Французскае выяўленчае мастацтва”.
Лекцыю чытае вядучы навуковы супрацоўнік Мастацкага – Алена Дзмітрыеўна Шапашнікава, якая працуе ў музеі больш за 40 гадоў.
Наведаць мерапрыемства можна па ўваходным білеце ў галоўны корпус музея. Папярэдняя рэгістрацыя не патрабуецца.
