4 красавіка ў 16:00 у вестыбюлі галоўнага корпуса Мастацкага музея адбудзецца творчая сустрэча з мастаком Васілём Зянько ў межах яго інклюзіўнага арт-праекта "Архітэктурная спадчына... кропкі...".
На сустрэчы ў вас будзе ўнікальная магчымасць пагутарыць з мастаком, дэталёва даведацца як распрацоўваўся праект і чаму так важна рабіць мастацтва даступным для людзей з абмежаваннямі па зроку.
Усе карціны выкананы ў аб’ёмна-контурнай аўтарскай тэхніцы. На кожным творы шрыфтам Брайля нанесены кароткія апісанні архітэктурных аб’ектаў. А сімвалічнасць кропак гэтага шрыфта дае магчымасць пазнання нашай гісторыі і культурнай спадчыны людзьмі незалежна ад іх фізічных здольнасцей.
Наведаць творчую сустрэчу можна па ўваходным білеце ў галоўны корпус музея (Леніна, 20). Папярэдняя рэгістрацыя не патрабуецца.
