З прывітальным словам на мерапрыемстве выступілі начальнік упраўлення культуры і народнай творчасці Міністэрства культуры Рэспублікі Беларусь Ірына Уладзіміраўна Карповіч; генеральны дырэктар Нацыянальнага мастацкага музея Рэспублікі Беларусь Ганна Уладзіміраўна Конанава; старшыня Беларускага саюза мастакоў Глеб Анатольевіч Отчык; старшыня Беларускага прафсаюза работнікаў культуры, інфармацыі, спорту і турызму Філімонава Таццяна Васільеўна; рэктар Беларускага дзяржаўнага ўніверсітэта культуры і мастацтваў Наталля Уладзіміраўна Карчэўская; дырэктар Добрушскага раённага краязнаўчага музея Аляксандра Яўгенаўна Шпакава; дырэктар Нацыянальнага цэнтра сучасных мастацтваў Сяргей Яўгенавіч Крыштаповіч; прарэктар па вучэбнай рабоце Віцебскага дзяржаўнага ўніверсітэта імя П.М. Машэрава Міраслава Юзэфаўна Бобрык.
Выстава прысвечана 70-годдзю з дня нараджэння Уладзіміра Іванавіча Пракапцова, мастака, заслужанага дзеяча мастацтваў Рэспублікі Беларусь, кандыдата мастацтвазнаўства, ганаровага прафесара Віцебскага дзяржаўнага ўніверсітэта імя П. М. Машэрава, ганаровага акадэміка Расійскай акадэміі мастацтваў, а таксама 25-годдзя яго работы на пасадзе генеральнага дырэктара Нацыянальнага мастацкага музея Рэспублікі Беларусь.
Выстава паказвае разнастайнасць творчых інтарэсаў аўтара як мастака, мастацтвазнаўцы і арганізатара музейнай справы Беларусі. Творчасць мастака характарызуецца арыгінальным пазнавальным стылем, глыбокім філасофскім зместам, сцвярджэннем вечных духоўных каштоўнасцей, зваротам да сваіх каранёў, любоўю да сваёй зямлі, сваіх бацькоў.
