Выстава "В.К. Бялыніцкі-Біруля і мастакі з яго кола"

Выстава "В.К. Бялыніцкі-Біруля і мастакі з яго кола"
22 кастрычніка ў музеі В.К. Бялыніцкага-Бірулі адкрыеццавыстава “В.К. Бялыніцкі-Біруля і мастакі з яго кола”, прысвечаная 150-годдзю жывапісца.

На выставе прадстаўлены мастакі, якія былі побач з ім у розныя перыяды жыцця – сябры, выкладчыкі, калегі па мастацкіх аб’яднаннях і сумеснай працы. 

Творы з фондаў Нацыянальнага мастацкага музея Рэспублікі Беларусь, яскрава дэманструюць талент і непасрэднасць “братоў па пэндзлі” В.К Бялыніцкага-Бірулі - М.П. Багданава-Бельскага (1868–1945), І.Э. Грабара (1871–1960), С.Ю. Жукоўскага (1875–1944), М.A. Касаткіна (1859–1930), K.A. Каровіна (1861–1939), I.I. Левітана (1860–1900), В.Д. Паленава (1844–1927), І.М. Пранішнікава (1840–1894), І.Я. Рэпіна (1844–1930), А.С. Сцяпанава (1858–1923), В. В. Раждзественскага (1862–1930).

Не будучы прыхільнікамі радыкальных плыняў у мастацтве, названыя жывапісцы, як і многія іх сучаснікі другой паловы XIX – першай паловы ХХ стагоддзя, адносіліся да рэалістычнай школы жывапісу, аднак валодалі сваім аўтарскім крэда. Экспазіцыя дазваляе пазнаёміцца з разнастайнасцю жанраў і індывідуальнымі творчыміманерамі прадстаўленых аўтараў, аб’яднаных аднымтворчым колам, якоеўключала і Вітольда Каятанавіча Біялыніцкага-Бірулю.

Работы самаго юбіляра - нацюрморты, мемарыяльныя пейзажы, творы, прысвечаныя дачы “Чайка”, якія не ўвайшлі ў пастаянную экспазіцыю музея, дазволяць лепш пазнаёміцца ​​зяго творчасцю.

На выставе таксама можна ўбачыць "Партрэт В.I. Бялыніцкай-Бірулі” (1916) М.A. Касаткіна і "Партрэт В.К. Бялыніцкага-Бірулі” (1922) М.М. Зайцава (1880–1942). Работа была створана да 50-годдзя мастака і адзначае ўласны 100-гадовы юбілей.

частыя пытанні

Дзе я магу прыпаркаваць аўтамабіль?

Бліжэйшыя парковачныя месцы знаходзяцца ўздоўж вул. Карла Маркса (паркоўка платная)

Ці можна знаходзіцца ў музеі ў верхнім адзенні?

Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.

З якімі рэчамі знаходзіцца ў музейных залах нельга?

Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.

Ці можна наведваць экспазіцыю музея з дзіцячай каляскай?

Так, мы рады наведвальнікам узроставай катэгорыі 0+. 

Ці ёсць зніжкі на набыццё ўваходнага білета для пенсіянераў?

Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў першы панядзелак кожнага месяца  і ў апошнюю сераду кожнага месяца .

Якія ўмовы створаны для наведвання людзей з абмежаванымі магчымасцямі?

Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро: +375 17 397 01 63,  +375 25 667 78 19.

У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.

Ці існуе ў музеі дзень бясплатнага наведвання?

Апошняя серада месяца – дзень ільготнага наведвання (зніжка 50% на ўваходныя білеты).

Ці ёсць у музеі аўдыягід?

Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.

Як мне трапіць на экскурсію?

У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).

Запісвацца неабходна як мінімум за тыдзень да меркаванага візіту па  тэлефонах: +375 17 397 01 63,  +375 25 667 78 19

У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.