Выстава "Зімовыя гісторыі"

Выстава "Зімовыя гісторыі"
Выстава “Зімовыя гісторыі” прысвечана пары года, звязанай са святкаваннем Каляд і Новага года, сапраўды чароўнаму і светламу часу для ўсіх: як дзяцей, так і дарослых. Часу, калі асабліва верыш у казку, часу чараўніцтва і адчування, што вось-вось здарыцца навагодні цуд.

У сваіх работах юныя творцы адлюстравалі святочны настрой, заснежаныя пейзажы, калядныя гулянні і зімовыя казкі, зірнуўшы на свет скрозь прызму душы творчасці і навагодняга натхнення.

Экспазіцыя ўключае 20 твораў юных мастакоў – навучэнцаў 5–11 класаў дзяржаўнай установы адукацыі “Гімназія № 75 г. Мінска імя П. В. Масленікава”.

Зімовыя пейзажы, святкаванне Каляд і Новага года вельмі часта адлюстроўваюцца ў працах мастакоў, аднак рэдка сустрэнеш нешта падобнае. Кожная праца напоўнена сваім зачараваннем і душэўнасцю, якія выказваюць настрой аўтара і яго ўспрыманне навакольнага свету.

Зімовыя святы з традыцыйным святкаваннем Каляд, а таксама з усёй спадарожнай мітуснёй, упрыгожваннямі, падарункамі – не проста крыніца натхнення для творцаў ва ўсе часы. Гэта ўжо частка культуры святочнага сезона, увасобленая ў розных відах і формах мастацтва.

Выстава працуе 
з 25 студзеня па 14 лютага 2023 года

частыя пытанні

Дзе я магу прыпаркаваць аўтамабіль?

Бліжэйшыя парковачныя месцы знаходзяцца ўздоўж вул. Карла Маркса (паркоўка платная)

Ці можна знаходзіцца ў музеі ў верхнім адзенні?

Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.

З якімі рэчамі знаходзіцца ў музейных залах нельга?

Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.

Ці можна наведваць экспазіцыю музея з дзіцячай каляскай?

Так, мы рады наведвальнікам узроставай катэгорыі 0+. 

Ці ёсць зніжкі на набыццё ўваходнага білета для пенсіянераў?

Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў першы панядзелак кожнага месяца  і ў апошнюю сераду кожнага месяца .

Якія ўмовы створаны для наведвання людзей з абмежаванымі магчымасцямі?

Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро: +375 17 397 01 63,  +375 25 667 78 19.

У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.

Ці існуе ў музеі дзень бясплатнага наведвання?

Апошняя серада месяца – дзень ільготнага наведвання (зніжка 50% на ўваходныя білеты).

Ці ёсць у музеі аўдыягід?

Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.

Як мне трапіць на экскурсію?

У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).

Запісвацца неабходна як мінімум за тыдзень да меркаванага візіту па  тэлефонах: +375 17 397 01 63,  +375 25 667 78 19

У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.