3 сакавіка 2023 года ў Музеі В. К. Бялыніцкага-Бірулі адкрыеыецца выстава “Жаночы Род”.
Выстава з’яўляецца адаптацыяй выставачнага праекта, што з аншлагам прайшоў у Нацыянальным мастацкім музеі Рэспублікі Беларусь. Экспазіцыю выставы складаюць каля пяцідзесяці твораў традыцыйнага і прафесійнага беларускага мастацтва ХХ-ХХІ стст., у якіх знайшлі адлюстраванні архетыпічныя ўяўленні адносна вобраза жанчыны і прыроды жаночага свету ў традыцыйнай беларускай культуры.
Куратар выставы – Вольга Чарняўская, старшы навуковы супрацоўнік музея В. К. Бялыніцкага-Бірулі.
Аўтар пректа, сакуратар выставы – Дзмітрый Салодкі, вядучы навуковы супрацоўнік аддзела беларускага мастацтва XX–XXI стст. Нацыянальнага мастацкага музея Рэспублікі Беларусь.
Выстава будзе працаваць
да 28 мая 2023 года
