"ХХ стагоддзе на далонях". Тактыльнае падарожжа ў свет скульптурнага партрэта

Музейны занятак для дзяцей са слабым зрокам у рамках Міжнароднага праекта па ўдасканаленні музейнага асяроддзя і экспазіцыйнага абсталявання для людзей з абмежаванымі магчымасцямі ў Нацыянальным мастацкім музеі Рэспублікі Беларусь.

Апісанне праекта:
Дакрануцца рукамі да беларускай гісторыі ХХ стагоддзя ў яе скульптурных партрэтах дае магчымасць распрацаваная ў НММ РБ праграма для дзяцей з парушэннем зроку. Праграма падрыхтавана да 80-годдзя з дня стварэння музея. Падчас заняткаў дзеці з аслабленым зрокам (група да 6 чалавек) наведваюць залы музея, дзе з дапамогай слоўных апісанняў іх знаёмяць з асаблівасцямі развіцця беларускай культуры ХХ стагоддзя на прыкладзе партрэтаў яе вядучых прадстаўнікоў – кампазітара Мікалая Аладава, дырэктара музея Алены Аладавай, мастака Міхаіла Савіцкага, кітайскага паэта і мастака Ці Байшы і г. д.

Другая частка занятку мяркуе ўласна дакладнае тактыльнае вывучэнне копій скульптур і матэрыялаў, з якіх яны выраблены, – мармуру, бронзы, дрэва, каменю. Дзецям прапаноўваюць навобмацак пазнаёміцца з дэталямі партрэта на копіях экспанатаў, знаходзячыся ў дыялогу з вядучым праграму музейным супрацоўнікам. Даследуючы кожны партрэт, лектар стымулюе рабят на абмеркаванне, уключае музычнае суправаджэнне або аўдыёзапісы з галасамі герояў, каб стварыць больш глыбокі стэрэаскапічны вобраз мадэлі скульптурнага партрэта, знаёміць з біяграфіямі, галоўнымі дасягненнямі ў беларускай і сусветнай культуры, адначасова распавядаючы пра прафесію скульптараў – аўтараў гэтых партрэтаў.

Запыт абсталявання:
3D-прынтар для работы з плаcтыкам, 3D-сканер паверхні, 
калонка партатыўная, флэшка, крэслы, стол

1
2
3
4
5

Адрасная група:
Навучэнцы спецыялізаваных устаноў адукацыі для дзяцей з абмежаваннямі па зроку 10+

Задачамі праекта з’яўляюцца:

– адаптацыя твораў (аб’ёмных экспанатаў) да ўспрымання людзей з абмежаванымі магчымасцямі;
– знаёмства з матэрыяламі скульптуры і іх уласцівасцямі;
– развіццё навыкаў апавядання пра твор мастацтва.

Мэты праекта:

– знаёмства з часткай пастаяннай экспазіцыі музея, аўтарамі твораў, вядучымі скульптарамі Беларусі;
– вывучэнне біяграфічных звестак вядучых асоб – кампазітараў, паэтаў, акцёраў, мастакоў Беларусі і свету ХХ стагоддзя;
– тактыльнае вывучэнне 3D-копій скульптур непасрэдна ў экспазіцыі;
– праслухоўванне аўдыёзапісаў з галасамі герояў занятку, музычнымі творамі, вершамі і г. д.;
– знаёмства з асноўнымі характарыстыкамі скульптуры – рознымі матэрыяламі (мармур, бронза, дрэва);
– абмеркаванне з лектарам “убачанага” рукамі.

Чакаемыя вынікі:
У выніку невідушчыя школьнікі павінны атрымаць вялікі аб’ём інфармацыі: уяўленне пра від мастацтва – скульптуру; зразумець, што азначае жанр партрэта; даведацца пра біяграфію і дасягненні мадэляў скульптараў, значэнне іх ролі ў беларускай або сусветнай культуры; пазнаёміцца з матэрыяламі скульптуры і імёнамі творцаў партрэтаў – беларускімі скульптарамі. Група можа быць інклюзіўнай, гэта значыць уключаць і відушчых удзельнікаў.

частыя пытанні

Дзе я магу прыпаркаваць аўтамабіль?

Бліжэйшыя парковачныя месцы знаходзяцца ўздоўж вул. Карла Маркса (паркоўка платная)

Ці можна знаходзіцца ў музеі ў верхнім адзенні?

Правілы наведвання музея не прадугледжваюць наведванне экспазіцыі ў верхнім адзенні. Яго неабходна пакінуць у гардэробе.

З якімі рэчамі знаходзіцца ў музейных залах нельга?

Усе сумкі, заплечнікі і пакеты памерам больш за 30х40х20 см, а таксама, парасоны неабходна здаць у гардэроб ці пакінуць у камеры захоўвання. Бутэлькі з вадой праносіць на экспазіцыю нельга, піць ваду можна ў вестыбюлі ці музейным кафэ на першым паверсе.

Ці можна наведваць экспазіцыю музея з дзіцячай каляскай?

Так, мы рады наведвальнікам узроставай катэгорыі 0+. 

Ці ёсць зніжкі на набыццё ўваходнага білета для пенсіянераў?

Ільготы (зніжка 50% на ўваходныя білеты) для людзей пенсійнага ўзросту ў музеі прадугледжаны ў апошнюю сераду кожнага месяца і ў першы панядзелак кожнага месяца.

Якія ўмовы створаны для наведвання людзей з абмежаванымі магчымасцямі?

Для бесперашкоднага вывучэння экспазіцыі на верхніх паверхах у музеі ёсць спецыяльны пад’ёмнік. Калі ён неабходны для Вашага візіту ў музей, калі ласка, патэлефануйце адміністратару экскурсійнага бюро па гарадскім нумары: 397-01-63 альбо 342-87-87.

У экспазіцыі новага корпуса знаходзяцца спецыяльныя карціны і скульптуры для тактыльнага вывучэння, абсталяваныя гукавым запісам з падрабязным апісаннем твораў.

Ці існуе ў музеі дзень бясплатнага наведвання?

Апошняя серада месяца – дзень ільготнага наведвання. Уваходны білет у апошнюю сераду кожнага месяца складае 4 руб. для дарослых, 2 руб. для школьнікаў і студэнтаў дзённай формы навучання.

Ці ёсць у музеі аўдыягід?

Паслуга аўдыягіда аплачваецца пры наведванні ў сувенірным кіёску музея. Аўдыягіды па пастаяннай экспазіцыі музея даступныя на беларускай, рускай, англійскай і кітайскай мовах.

Як мне трапіць на экскурсію?

У экскурсійным бюро адбываецца запіс арганізаваных груп ад пяці чалавек і індывідуальных экскурсій (груп да пяці чалавек).

Запісвацца неабходна як мінімум за тыдзень да меркаванага візіту па гарадскім тэлефоне: 397-01-63. У рамках акцый і спецыяльных мерапрыемстваў музей нярэдка наладжвае зборныя экскурсіі па ўваходным білеце ў музей.

Падрабязная афіша ўсіх падзей публікуецца ў раздзеле “Навіны”.

  • Мінск
    вул. Інтэрнацыянальная, 33А

  • аўторак - субота:

    з 10:00 да 18:00

  • нядзеля - панядзелак:

    выходныя дні

  • Магілёў
    вул. Ленінская, 37

  • серада - нядзеля:

    11:00 - 18:00

  • панядзелак - аўторак:

    выходныя дні