Мастакі адрозніваюць колеры з дапамогай распрацаванай прылады па распазнанні колеру Lihtar, якая пераводзіць колер у музыку. Больш падрабязна даведацца пра прыладу і пра тое, як ствараюцца карціны, вы можаце на сайце belonica.org або ў Instagram @belonica.art
Мэта праекта – зрабіць жывапіс даступным кожнаму. У прадстаўленай экспазіцыі вы можаце бачыць 8 работ з тактыльнымі элементамі, якія дапамагаюць невідушчым мастакам арыентавацца на палатне пры напісанні карціны, а невідушчым гледачам – распазнаць адлюстраваныя аб’екты. Кожная карціна перадае пэўны эмацыянальны стан чалавека праз колер і форму.
Успрыняцце колеру праз эмоцыі дазваляе невідушчым людзям зразумець, што такое колер, і прасякнуцца любоўю да выяўленчага мастацтва.
Звярніце ўвагу на QR-коды побач з карцінамі. Гэта аўдыёапісанні, якія дапамогуць вам лепш зразумець кожную працу.
