З 5 па 22 кастрычніка 2023 года ў Нацыянальным мастацкім музеі Рэспублікі Беларусь праходзіць выстава “Космас Язэпа Драздовіча”, прымеркаваная да 135-годдзя з дня нараджэння мастака. У рамках выставы паказаны творы з калекцыі аддзела старажытнабеларускай культуры ДНУ “Цэнтр даследаванняў беларускай культуры, мовы і літаратуры” НАН Беларусі.
У экспазіцыі прадстаўлены карціны Язэпа Драздовіча, якія з’яўляюцца часткай яго знакамітых “касмічных серый”, а таксама работы, дзе мастак праявіў свой талент партрэтыста. Частку з іх глядач убачыць упершыню. Усяго на выставе экспануецца восем жывапісных твораў, а таксама два барэльефы.
Куратар выставы – Аруцюнян Каміла, малодшы навуковы супрацоўнік аддзела беларускага мастацтва ХХ-ХХІ стст.
