30 мая 2025 года, да Міжнароднага дня абароны дзяцей, у Нацыянальным мастацкім музеі Рэспублікі Беларусь пачне працу выстава адной карціны Маравава Аляксандра Віктаравіча "Сябры. Партрэт Любачкі з сабакам".
У 1906 годзе Аляксандр Мараваў, Мікалай Багданаў-Бельскі і Вітольд Бялыніцкі-Біруля з жонкай і дачкой пасяліліся ў сядзібе Гарусава, плануючы працаваць у месцах, дзе Ісак Левітан напісаў адну з самых знакамітых сваіх карцін "Над вечным спакоем".
На палатне паказана Любоў Вітольдаўна Бялыніцкая-Біруля, дачка мастака В.К.Бялыніцкага-Бірулі. Мастаку ўдалося перадаць абсалютны давер дзіцяці і сабакі, іх ціхае сяброўства і клопат.
Выстава будзе экспанавацца па 16 чэрвеня 2025 года ў сяродкрыжжы ў галоўным корпусе музея (Леніна, 20).
