Канцэрт новай камернай музыкі «Трамонтана»

У канцэртнай праграме прагучаць сачыненні членаў Беларускага саюза кампазітараў. 

«Трамонтана» - гэта арыгінальны праект, які з’явіўся ў 2015 годзе. Кожны раз канцэрты новай камернай музыкі, якія праходзяць у рамках гэтага праекта, сваім свежым гучаннем уносяць абнаўленне ў акустычны клімат беларускай акадэмічнай музыкі, прапануюць увазе публікі яркія камерныя навінкі айчынных аўтараў у першакласным выкананні цудоўных сталічных музыкантаў. 

У канцэрце бяруць удзел артысты аркестра Вялікага тэатра Беларусі, Беларускай дзяржаўнай філармоніі, выкладчыкі, студэнты і навучэнцы Беларускай дзяржаўнай акадэміі музыкі і Рэспубліканскага музычнага каледжа. 

Наведаць канцэрт можна па ўваходным білеце ў музей. Папярэдняя рэгістрацыя не патрабуецца.