28 студзеня а 15-й гадзіне ў Мастацкім музеі адбудзецца лекцыя “Вядомы і невядомы Апалінарый Гараўскі”.
Мастак стаў увасабленнем найцікавейшага прыкладу паспяховай кар’еры ў ХІХ стагоддзі - ад сына дробнапамеснага шляхціца да папулярнага сталічнага жывапісца. Шырока прадстаўлены на выставах пры жыцці, пасля смерці ён быў забыты. Толькі ў сярэдзіне ХХ стагоддзя намаганнямі беларускіх мастацтвазнаўцаў яго імя вярнулася з небыцця.
На лекцыі вас чакае "знаёмства" з мастаком, новыя факты яго біяграфіі, а яшчэ дэтэктыўныя гісторыі аб здабыцці пейзажаў, якія лічыліся страчанымі, і іх атрыбуцыі.
Лекцыю чытае Юлія Лісай - вядучы навуковы супрацоўнік Мастацкага.
Мерапрыемства пройдзе ў галоўным корпусе музея (Леніна, 20). Папярэдняя рэгістрацыя не патрабуецца.
