У праграме:
- Прэзентацыя трыпціха ад аўтара;
- Выступленне Мітрапалічага хору Мінскага кафедральнага сабора Святога Духа;
- паэткі Валянціны Паліканінай.
Генадзь Сухамлінаў нарадзіўся ў Віцебску, дзе і скончыў мастацка-графічны факультэт педагагічнага інстытута. Сярод яго настаўнікаў – вядомыя мастакі Фелікс Гумен, Іван Сталяроў і Леанід Анцімонаў. У 1994 годзе становіцца членам Беларускага саюза мастакоў. У сваёй творчасці аддае перавагу пейзажам і нацюрмортам. З 1977 года пастаянна ўдзельнічае ў рэспубліканскіх і міжнародных выставах. За духоўнасць, якую нясуць яго работы, і за любоў да славянскай культуры Генадзь Сухамлінаў прыняты ў Міжнародную Кірыла-Мяфодзіеўскую акадэмію славянскай асветы. Творчую дзейнасць Генадзь Сухамлінаў плённа сумяшчае з педагагічнай – больш за 35 гадоў ён выкладае ў Мінскай гімназіі-каледжы мастацтваў.
Работы майстра захоўваюцца ў зборах Нацыянальнага мастацкага музея Беларусі, прыватных калекцыях Аўстрыі, Англіі, Германіі, Галандыі, Ізраіля, Польшчы і інш.
Праз сваю творчасць Генадзь Сухамлінаў імкнецца данесці да людзей ідэі дабра і любові, паказаць, што нічога няма прыгажэйшага за жыццё па запаведзях Божых, у гармоніі з сабой, людзьмі і прыродай.
Выстава працягнецца па 23 лістапада 2025.
