Выстава праходзіць у рамках праекта “Садружнасць праз мастацтва” і рэалізуецца дзякуючы перамозе Рэгіянальнага аддзялення Агульнарасійскай грамадска-дзяржаўнай арганізацыі “Расійскае ваенна-гістарычнае таварыства” ў Наўгародскай вобласці ў адборы некамерцыйных арганізацый Наўгародскай вобласці на права атрымання ў 2024 годзе грантаў у форме субсідый на рэалізацыю праектаў, накіраваных на ўмацаванне грамадзянскага адзінства і гарманізацыю міжнацыянальных адносін, арганізаваным Камітэтам па ўнутранай палітыцы Наўгародскай вобласці.
Экспазіцыя выставы прадстаўлена творамі беларускіх мастакоў Антона Вырвы, Міхаіла Крата, Рамана Коршунава, Васіля Чатнеўцава і Кацярыны Кошчанка, у якіх аўтары прапануюць свае інтэрпрэтацыі жывапіснага пейзажа, прадстаўляюць яго як умоўнае пераасэнсаванне рэальнай прасторы. Сродкі, якімі мастакі перадаюць навакольны свет, разнастайныя, кожны з мастакоў даследуе элементы выяўленчага мастацтва, будуе ўласны свет з дапамогай кампазіцыйных прыёмаў. Жывапісныя кампазіцыі добра пазнавальныя па аўтарскай пластыцы, складаныя па колеры, але глыбока асацыятыўныя.
Калі казаць пра геаграфію твораў, прадстаўленых на выставе, то тут паказаны розныя куткі Беларусі – лясныя далечыні, сельскія прасторы, гарадскія віды. Кожная з карцін дэманструе самабытны беларускі пейзаж.
Аўтары працягваюць традыцыі пленэрнага жывапісу, бо прырода з'яўляецца невычэрпнай крыніцай натхнення, майстэрства. Глыбіня разумення сутнасці беларускай прыроды, выдатны каларыт, незвычайны ўнутраны змест карцін блізкі і зразумелы гледачу любога ўзросту.
Прыгажосць прыроды ў карцінах мастакоў перададзена незвычайна, бо аўтары з ёй быццам зліваюцца разам; тут бачыцца любоў да роднага краю, уменне аўтараў шчыра паказваць прыгажосць свету. Праніклівыя, глыбокія па змесце і запамінальныя вобразы роднай Беларусі тонка перадаюць незвычайнае пачуццё колеру мастакоў, якія захоўваюць традыцыі акадэмічнага майстэрства, але разам з тым імкнуцца творча пераасэнсаваць вопыт мінулых пакаленняў, эксперыментуюць з найноўшымі тэхналогіямі.
Выстава будзе працаваць да 6 кастрычніка 2024 года.
Куратар праекта – Кот Святлана Васільеўна, загадчык аддзела беларускага мастацтва ХХ–ХХI ст. Нацыянальнага мастацкага музея Рэспублікі Беларусь.
Кантактная асоба ў Дзяржаўным музеі мастацкай культуры Наўгародскай зямлі - Вольга Гусева, (8162) 736-013; е-mail: artmuseum@mail.ru.
