Урачыстае адкрыццё выставы «Графіка мастакоў таварыства "Бубновы валет"».

3 красавіка ў філіяле Нацыянальнага мастацкага музея Рэспублікі Беларусь «Музей В.К. Бялыніцкага-Бірулі» адбылося ўрачыстае адкрыццё выставы «Графіка мастакоў таварыства “Бубновы валет”», прымеркаванай да 150-годдзя з дня нараджэння Пятра Канчалоўскага.

Экспазіцыя ўключае 38 графічных лістоў удзельнікаў знакамітага аб'яднання «Бубновы валет» з фондаў Дзяржаўнага гісторыка-мастацкага і літаратурнага музея-запаведніка «Абрамцава». У іх ліку — творы Пятра Канчалоўскага, Іллі Машкова, Арыстарха Лентулава, Роберта Фалька і Вольгі Разанавай.

Выстава працягнецца да 19 мая 2026 года.