У Мастацкім музеі працягваецца цыкл лекцый аб французскім мастацтве. Тэма другой лекцыі – “Творчасць Нікала Пусэна”. Яна адбудзецца 14 красавіка (нядзеля) а 14-й гадзіне.
Нікала Пусэн стаў адным з заснавальнікаў і галоўных прадстаўнікоў жывапісу эпохі класіцызму. Метады выражэння жывапісца лічацца эталонам у класіцызме. Большасць твораў майстра звязаны з міфалагічнымі і біблейскімі сюжэтамі.
Лекцыю чытае вядучы навуковы супрацоўнік Мастацкага – Алена Дзмітрыеўна Шапашнікава, якая працуе ў музеі больш за 40 гадоў.
Наведаць мерапрыемства можна па ўваходным білеце ў галоўны корпус музея. Папярэдняя рэгістрацыя не патрабуецца.
