Біясферны рэзерват – унікальны прыродны комплекс, які ўключае ў сябе надзвычайную разнастайнасць першародных лясоў, лугоў і балот розных тыпаў, пойму ракі Бярэзіна, мноства іншых вялікіх і малых рэк, азёр з уласцівым ім комплексам рэдкіх відаў раслін і жывёл. Запаведнік – своеасаблівая прыродная лабараторыя для правядзення навуковых даследаванняў, маніторынгу, экалагічнай асветы дзяцей і моладзі.
У экспазіцыі прадстаўлена каля 50 работ фотамастака Дзяніса Іўковіча, навуковага супрацоўніка Бярэзінскага біясфернага запаведніка, лаўрэата спецыяльнай прэміі Міністэрства прыродных рэсурсаў і аховы навакольнага асяроддзя па выніках рэспубліканскага творчага фотаконкурсу “Скарбы нацыі. Нацыянальныя паркі Рэспублікі Беларусь”; прызёра рэспубліканскага фотаконкурсу “Дзікія жывёлы ў натуральным асяроддзі” Беларускага таварыства паляўнічых і рыбаловаў; лаўрэата абласнога этапа рэспубліканскага фотаконкурсу “Гэта твая зямля” ў намінацыі “Прыгажосць роднай прыроды” ў рамках дзясятага Рэспубліканскага экалагічнага форуму; пераможцы фотаконкурсу Беларускага прафесійнага саюза работнікаў лесу і прыродакарыстання “Самая абаяльная і прывабная” ў намінацыі “Вясновая загадка”, прызёра іншых рэспубліканскіх і міжнародных конкурсаў; аўтара тэкстаў і фатаграфій для спецыялізаваных часопісаў і замежных выданняў, члена клуба фатографаў дзікай прыроды Беларусі.
Выстава працуе па 17 лютага 2025 года.
Куратары выставы – Зуева Дарына Халедаўна, малодшы навуковы супрацоўнік выставачнага аддзела Нацыянальнага мастацкага музея Рэспублікі Беларусь; Крывецкая Лізавета Сяргееўна, малодшы навуковы супрацоўнік выставачнага аддзела Нацыянальнага мастацкага музея Рэспублікі Беларусь.
